ABESBATZA HONDARRIBIAN

Hondarribian izan ziren aurreko asteburuan gure abesbatzako ikasleak. Bertan, egonaldi bikainaz gozatzeaz gain, Orfeoi txiki ko Esteban Urzelai zuzendariaren eskutik formakuntza jaso zuten. Gustora ibili ziren guztiak ere, bai horixe!

ELKARTRUKE KONTZERTUA , BEGUESEKO ETA LASKORAIN IKASTOLAKO ABESBATZAK

Maiatzaren 7an, Tolosako Santa Klara elizan benetan emanaldi politta eskaini ziguten, alde batetik CORAL DEL INSTITUT DE BEGUÉS I COR DE MUSIC-ek eta LASKORAIN ABESBATZA-k.
Laskorain abesbatzak antolatu elkartruke honetan, ikasle kataluniarrak asteburua pasa zuten Tolosan eta inguruetan.
Ostiral iluntzean iritxi eta harrera familiek hartu zituzten. Larunbatean, Tolosako alde zaharra bisitatu ondoren, Donostiarantz joan ziren guztiak. Bazkal ostean berriz ere Tolosara, Santa Klara elizan entsaiatzera. Lizardi elkartean merienda bikainaren ondoren, kontzertua eskaini ziguten.

Hemen dituzue ikusgai, Begueseko abesbatzak eskaini zigun kontzertua eta ondoren Laskoraingoena.

ABESBATZAREN KONTZERTUA BAIGORRIN

Laskorain abesbatza Baigorrin

Apirilaren 30ean, kontzertu itzela eskaini zuen gure Laskorain ikastolako abesbatzak Baigorrin, urtero legez, Nafarroaren egunaren harira egiten duten kontzertuan.

Bertan ziren Et Incarnatus orkestra, Amaren Alabak eta Eñaut (Ken 7ko kantaria), Laskorain abesbatzarekin batera. Baigorriko eliza berezi eta dotorea jendez lepo bete zen emanaldia kuttuna eta hunkigarria entzuteko.
Abesbatzako ikasleak, zenbait gurasoren ardurapean, larunbatean, eguerdi partean atera ziren Tolosako zezen plazatik, eta Baigorrira iritxi ostean, arratsaldean entsaioa egin zuten. Afarimeriendaren ostean, iluntzeko 21:00ean kontzertua eskaini zuten.
Hurrengo goizean, Baigorriko inguruak eta etxaldeak ezagutzeko parada izan zuten eta pozik bueltatu ziren Tolosara, gustora.
Kontzertua grabatu egin zen. Ea laister dugun diskoa entzuteko eta bideoa ikusteko aukera!

LASKORAIN ABESBATZA DISKO GRABAKETAN

Kaixo lagunok!
Hemen gatozkizue berriro ere aurrera daramagun disko grabaketaren berri ematera. Azken atal honen grabaketa Iurramendi egoitzan egin genuen, joan den martxoan. Bertan, ihauterietako bi abesti eta "Aleluya" grabatu genituen, eta Juantxo Zeberio eta Naiara Mintegiaz gain hantxe izan genituen gure lagun Nerea Erviti pianoan, eta Laskorain ikastolako ikasle eta ikasle ohiak, hala nola, Antton Telleria , Iratxe Etxebeste, Aitzol Moneo ... Mila esker guztioi.
Hirugarren atala grabatzea geratuko litzaiguke, maiatza aldera egin nahiko genukeena.
Honetaz gain, diskoaren karatula eta honekin batera aterako den bideokliparen gidoia aurreratu xamarra dugu jada eta maiatzeko lehen astean grabatuko dugu Tolosako zenbait gunetan.
Hemen dituzue, aurrerapen gisara, Iurramendi egoitzan grabatu genituen irudiak.

ESKALA PENTATONIKOA

kaixo lagunok!
Oraingo honetan Bobby MacFerrinen erakustaldi batekin gatozkizue, eskala pentatonikoa landuz egiten duen "esperimentu"a. Bistadizo bat eman iezaziozue, merezi du!

Iurreamendin grabaketa

Otsailaren 27an, Iurreamendi egoitzako elizan lau abesti grabatu zituen abesbatzak. Zenbait musikariren laguntza ere izan zuten. Grabaketaren zenbait momentu ageri dira agazkietan.
Argazkiak

GABONETAKO KONTZERTUA

Abenduaren 21ean izan genuen, Sakramentinoetako elizan, ohikoa bilakatu den gabonetako kontzertua. Hona hemen han bildutakoa.